Atithi devo bhava. Iss baat ko hum Indians bahut hi
gambhirta se lete hain.
Ek atithi wo hain jisne ek Indian se shaadi ki aur aaj wo
India ki bahu ban gayi. Unke pati ke jaane ke baad India mein unko maan samaan
mila. Aur wo iss desh ki hi ban kar reh gayi. Iss atithi ko humne aisa apnaya
ki sabhi jaruri muddo par unki bhi rai li jaati hain. Hum yeh maan kar chalte
hain ki wo India se utna hi pyar karti hain jitna wo apne desh se karti hongi.
Ek atithi wo hai jiski khoobsurati ke log deewane hain. London
se India aayi; apna safar b-grade movie se shuru kiya aur phir belly dance sikh
kar Sheila ki jawani pe khoob dhoom machaya. Aaj wo jis movie mein jis actor ke
saath aati hai wo movie aur wo actor charcha mein aa jaata hai. Inko hum
Indians ne aisa apnaya hai ki acting bhale na aaye phir bhi inki movies ko hit
jarur karwate hain. Sayad India mein inke jaisi khoobsurat haseena nahi milegi
isliye ek videshi atithi ko apnaya hai.
Ek atithi wo hai jo bahar videsh mein pornstar ke naam se
famous hain. Unko bhi hum Indians ne khule baahon se apnaya hai. India ki sayad
hi kisi pornstar ko itni ijjat aur pehchan mili hongi jitni inko di gayi hai. Inka
sayad sapna honga jo aaj yeh bollywood mein heroine ka kaam karti hain.
Ek atithi aaj kal dance ke apne jalwe bikhair rahi hai. TV ke
reality show mein aati hai khoob jum kar naachti hai aur logon ka dil jeet kar
le jaati hai. Kismet hue to jaldi wo bhi bollywood mein heroine ke roop mein
nazar aayegi.
Ab yeh to hue bade logon ki baat; agar hum apni baat kare to
jab videsh se koi atithi aata hai hum usse badi sehajta se angrezi mein baat
karte hain. Ghar par jab usko khane ke liye bulate hain to ghar mein 5 saal ka
bacha bhi ekdum faratedaar angrezi mein baat karta hai. Magar hum dusre ki
maatra bhasha tab kyu nahi sikhte jab kisi Gujarati, Punjabi, Bengali, Marathi,
Bihari, Oriya, Tamil, Telugu, Kanada, Malayalam, etc. ko apne ghar bulate hain?
Kyu kya atithi videshi atithiyon se alag ho jaate hain?
P.S. Agar blog pasand aaya hai to link share kijiye :-)
P.S. Agar blog pasand aaya hai to link share kijiye :-)
